مفيش كلام خلال الساعات اللي فاتت إلا عن الفضيحة المدوية اللي حصلت داخل اتحاد الكرة المصري بعد ما تم اتهام مسؤول كبير واللي بيشغل منصب مدير لجنة المسابقات في الجبلاية بعد ما انتشر فيديو غير أخلاقي له مع سيدة متجوزة.
الفضيحة اللي كشف عنها جوز الست وقدم فيها بلاغ للنائب العام والنيابة العامة وقال إنه شاف مراته في علاقة كاملة مع المسؤول الكبير في اتحاد الكرة في فيديو مدته حوالي 43 دقيقة كاملة.. إيه الحكاية اللي قلبت الرأي العام؟ وإيه التحرك العاجل من مجلس إدارة اتحاد الكرة؟.. تفاصيل كتيرة نكشفها في الفيديو ده.
أثارت واقعة الفضيحة اللي حصلت من مسئول كبير داخل اتحاد الكرة حالة كبيرة من الجدل على السوشيال ميديا والرأي العام.. بعد ما اتهم شاب مدير لجنة المسابقات أنه شاف مراته في علاقة كاملة معاه في فيديو لمدة 43 دقيقة كاملة.. الواقعة غير الأخلاقية اللي انتشرت كانت حديث الناس.
بس هو إيه اللي حصل؟
البداية كانت بتقديم الدكتور أحمد مهران – المحامي – ومدير مركز القاهرة للدراسات السياسية والقانونية، ببلاغ للنائب العام، باعتباره وكيل الشاب إسلام مصطفى عبد العزيز، ضد مسؤول كبير في الاتحاد المصري لكرة القدم والمشرف العام على الكرة في مصر ومدير لجنة المسابقات، وكمان اتهام مراته هناء بارتكاب جريمة الزنا مع المسئول الكبير.
.
الشاكي إسلام مصطفى عبد العزيز اسماعيل قال في الشكوى اللي قدمه إنه اتفاجئ بوود فلاشة كانت مراته مخبيها واللي فتحها كانت ىالمصيبة أن اكتشف أن فيها فيديو غير أخلاقي مدته 43 دقيقة بتكون فيه مراته في علاقة كاملة مع أحد الأشخاص.. ولأن مراته كانت بتشتغل في حاجات بتخليها تتردد على اتحاد الكرة شك أنه يكون شخصية هناك.. وبالفعل بعد البحث اكتشف أنه مش شخصية عادية ولكنه مسئول كبير في الاتحاد المصري لكرة القدم عشان يبتدي يراقبهم ويشوف إيه اللي بيحصل.
إسلام قال كمان إنه بعد كده اكتشف أن مراته في علاقة كاملة مع المسئول ده وأنهم بيتقابلو في شقة بحى الأزبكية ولما اتأكد من العلاقة اللي بينهم قدم ببلاغ للنيابة العامة لاتخاذ الإجراءات القانونية ضد مراته والمسئول الكبيرة وقدم الفلاشة اللي فيها الفيديو غير الأخلاقي، كمان قال المحامي في بلاغه أنهم قدموا البلاغ عشان يحركوا دعوى جنائية عاجلة للدفاع عن الشرف والعرض وعدم اختلاط الأنساب.. مش بس كده وكمان الدفاع عن القيم الأخلاقية والاجتماعية والدينية في المجتمع.
الواقعة دي اللي بدأت تنتشر بين الموظفين في اتحاد الكرة وكمان انتشرت في المواقع الصحفية عشان تعمل حالة كبيرة جدا من الجدل في الرأي العام والسوشيال ميديا بشكل كبير والكل بيسأل إزاي وصل الأمر للشكل ده وياترى إيه اللي هيحصل مع المسؤول الكبير في اتحاد الكرة.
ومع انتشار الواقعة والتحقيق فيها مكنش قدام مجلس إدارة الاتحاد المصري لكرة القدم إلا أنه يعلن عن تحرك عاجل وإقالة المسؤول المتورط في الواقعة غير الأخلاقية.
