مفيش كلام خلال الساعات اللي فاتت إلا عن الفضيحة غير الأخلاقية الي حصلت في اتحاد الكرة المصرية واللي كانت لمسئول كبير رئيس لجنة المسابقات بالجبلاية.
لكن الواقعة لسه فيها مفآجات مدوية واللي تم الكشف عنها خلال الساعات اللي فات.. أبرزها حكاية الاستغلال الخاصة بالفيديو.. وليه المحامي انسحب من القضية؟ ومين اللي صور الفيديو؟.. تفاصيل كتيرة نكشفها في السطور التالية:
على مدار الساعات اللي فاتت أثارت واقعة الفضيحة اللي حصلت من مسئول كبير داخل اتحاد الكرة حالة كبيرة من الجدل على السوشيال ميديا والرأي العام.. بعد ما اتهم شاب مدير لجنة المسابقات أنه شاف مراته في علاقة كاملة معاه في فيديو لمدة 43 دقيقة كاملة
الواقعة اللي بدأت بتقدم الدكتور أحمد مهران – المحامي – ومدير مركز القاهرة للدراسات السياسية والقانونية، ببلاغ للنائب العام، باعتباره وكيل الشاب إسلام مصطفى عبد العزيز، ضد مسؤول كبير في الاتحاد المصري لكرة القدم والمشرف العام على الكرة في مصر ومدير لجنة المسابقات، وكمان اتهام مراته هناء بارتكاب جريمة الزنا مع المسئول الكبير.
الشاب قال إنه اتفاجئ بوجود فلاشة كانت مراته مخبيها واللي فتحها كانت ىالمصيبة أن اكتشف أن فيها فيديو غير أخلاقي مدته 43 دقيقة بتكون فيه مراته في علاقة كاملة مع أحد الأشخاص وبعد البحث اكتشف أنه مسئول كبير في الاتحاد المصري لكرة القدم وعليه قدم بلاغ للنائب العام.
كمان الواقعة موقفتش عند كده عشان يقرر مجلس إدارة اتحاد الكرة إقالة المسئول الكبير بدون انتظار للتحقيقات بعد ما انتشرت القصة دي بشكل كبير.
لكن الواقعة كان فيها مفاجآت كتيرة اللي بدأت تظهر في الساعات الأخيرة اللي فاتت لما نشر المحامي أحمد مهران فيديو وهو بيكلم الشاب في التليفون بعد ما وصل للحقيقة.
أحمد مهران كان بيكلم الشاب ويعاتبه وقاله إنه اكتشف أن الواقعة مش جديدة وأنها من شهر 5 اللي فات.. مش بس كده لكن أن مراته هي اللي صورت الفيديو وكانت تبتز به المسئول الكبير في اتحاد الكرة طوال الشهور اللي فاتت.
مش بس كده المحامي أحمد مهران كشف عن مفاجأة كبيرة عن أن الشاب ده أصلا كان محبوس في قضية قبل كده والأغرب أنه كان مقدم بالفعل بلاغ زنا قبل ما يجيله ويقدم معاه بلاغ تاني.
المحامي عاتب الشاب جوز الست اللي طلع على علم بالقصة من بدري ومرضاش يقوله ولا يعرفه حاجة عن أن مراته هي اللي صورت الفيديو عشان يعلن في النهاية انسحابه من البلاغ وأنه مش مكمل في القضية لأن الشاب ده طلع كاذب ومضلل.
