في الوقت اللي الكل كان منتظر أن منتخب قطر يحقق نتائج قوية في مباريات المونديال المقام على أرضه خاصة بعد فوز السعودية على الأرجنتين؛ إلا أن الفريق العنابي جاء باهت عشان يخسر المباراة التانية على أرضه ووسط جماهيره.
الخسارة دي خلت المنتخب القطري يخرج من البطولة.. لكن رغم كده المنتخب حقق مكاسب كتيرة: إيه هي الأرقام القياسية اللي حققها؟ وهيعملوا إيه في المونديال بعد الخروج منه؟.. تفاصيل كتيرة نكشفها في اللايف ده.
للمرة التانية على التوالي كرر منتخب قطر أخطاءه أمام السنغال ليخسر تاني مباراة له في كأس العالم 2022 ويدفع التمن غاليا ويخرج من البطولة.
مدرب قطر فيليكس سانشيز اللي أجرى 3 تعديلات على التشكيل الأساسي الذي خاض به مباراة الافتتاح، أولها أنه شارك حارس المرمى مشعل برشم والظهير الأيمن إسماعيل محمد مع تحول بيدرو ميجيل إلى مدافع تالت للاستفادة من طول قامته، كمان وضع عاصم ماديبو ثلاثي الوسط بجوار حسن الهيدوس وكريم بوضياف.
لكن رغم كل التعديلات دي إلا أن المشكلة لمنتخب كانت في وجود خلل واضح في قلب الدفاع وده اللي تسبب في اهتزاز شباكه بـ3 أهداف من أخطاء ساذجة في التمركز والرقابة بالكرات العرضية، عشان يتكرر سيناريو خسارة العنابي لمباراة الافتتاح ضد الإكوادور.
في نفس الوقت اليو سيسيه المدير الفني لمنتخب السنغال، غير فكره التكتيكي معتمدا على مهاجمين بخطة 4-4-2.، عشان ينجح رهانه بوضع فامارا ديديو بجوار بولاي ديا، اللي سجل الثنائي الهدفين الأول والتاني في شباك المنتخب القطري، كمان استفاد مدرب السنغال من خلال التعديل ده في تقوية خط الوسط بوضع كيربين دياتا وإسماعيلا سار على الجانبين مع ميندي وإدريسا جايي في العمق.
وعلى الرغم من أن منتخب قطر استفاق بعد اهتزاز شباكه بهدفين، وده اللي ظهر لما بدأ ضغط بقوة، وأنقذ الحاري السنغالي إدوارد ميندي فرصتين محققتين للمعز علي وإسماعيل محمد، إلا أن النشاط الهجومي لقطر كان ضعيف لأنه كان بيتحرك برئة واحدة، وهي جبهة أكرم عفيف وده على فترات واللي شكل خطورة بانطلاقاته وعرضياته.
لا منتخب قطر إسماعيل محمد كان الأكثر نشاطا، فهو اللي صنع الهدف الوحيد للعنابي اللي سجله المهاجم البديل محمد مونتاري، بطل آسيا اللي حاول أنه يستغل ارتباك منافسه في الدفاع بين كاليدو كوليبالي وعبدو ديالو، واندفع لتقليص الفارق، ولم ينتبه لعيوبه الدفاعية ليتلقى الهدف التالت وتنتهي المباراة بالهزيمة للعنابي؟
هزيمة منتخب قطر للمباراة التانية على التوالي في مونديال قطر خلته يخرج من كأس العالم لأنه مش هيقدر يجمع حتى 4 نقاط يخلوه يكمل في البطولة، لكنها في نفس الوقت خلته يحقق أرقام قياسية وهي أنه المنتخب التاني اللي كان على أرضه ومش سجل أي هداف في الشواط الثلاثة الأولى له في كأس العالم.
لكن السؤال الأهم هل يهدد خروج منتخب قطر على تنظيم البطولة؟
بالطبع الأمر ده مش هيحصل لأن قطر أكدت قبل البطولة أن مهما كانت النتائج هتفضل البطولة مستمرة وهتكمل الفرق واستضافتها مهما حصل وأنهم عايزين يخرجوا بأفضل تنظيم لنسخة في كأس العالم.
