مع هزيمة المنتخب السعودي أمام منتخب بولندا بنتيجة 2-0 في مفاجأة جديدة بعدما كان الجميع بيتوقع ان تحقق السعودية نتائج قوية بعد الفوز التاريخي على الأرجنتين؛ إلا أن الهزيمة دي وراها حكاية عجيبة عن سخرية ريناد من بولندا اللي اتقلبت ضده.
إيه هي الحكاية؟ وإزاي سخر منهم؟ وإزاي كان سبب في تحفيز لاعبي بولندا ضد السعودية؟ وإيه الرسالة اللي قالها رينارد بعد الهزيمة للجمهور السعودي؟.. تفاصيل كتيرة نكشفها في الفيديو ده.
مع خسارة المنتخب السعودي أمام بولندا فقد فرصة التأهل المبكر للدور التالي لأنه لو فاز في المباراة دي كان هيبقى قدام فرصة كبيرة في إنه يوصل لـ6 نقاط ويضمن التأهل المبكر، لكن الهزيمة هتخليه في موقف حرج وأنه لازم يفوز في مباراة المكسيك عشان يضمن التأهل بدون الدخول في حسابات طويلة عن المواجهات المباشرة والأهداف.
لكن الهزيمة دي وراها حكاية عجيبة الناس ربطتها بالهزيمة وهي سخرية المدرب الفرنسي هيرفي رينارد المدير الفني لمنتخب السعودية من منتخب بولندا أثناء حديثه في المؤتمر الصحفي، لما توجهت له أسئلة عن فوز المنتخب السعودي على حساب الأرجنتين كان عن طريق الصدفة.
رينارد قال إن الكلام ده أمر مضحك بدليل أنكم هتشوفوا هنعمل إيه في مواجهة بولندا.. مش بس كده لكنه تكلم بكل غرور وقال إحنا هنتواجه مع ليفاندوفسكي ورغم كده إحنا مش بنشعر بالخوف لكن بلعكس بيحفزنا اننا نقدم قدامه مباراة كبيرة زي ميسي.
مش بس كده لكنه كمل سخرية من منتخب بولندا وقال إن مراته وعائلتها كلها من بولندا وكان مهم ليها أنها تشوف كأس العالم.. لكن رغم كده هي هترتدي قميص المنتخب السعودي وهتشجع الفريق اللي بدره رغم أن عائلتها كلها بولندية.. كمان قال إن حتى هو أجداده من بولندا لكنه برضو هيشجع السعودية ويثبت نفسه قدامهم.
المشجعين السعوديين ربطوا الكلام والسخرية اللي عملها المدرب من منتخب بولندا أنها كانت السبب في تحفيزهم عشان ينزلوا يعملوا مباراة قوية ويصروا على الفوز ويردوا عليه في الملعب وأنهم مش زي الأرجنتين عشان يحملوه هو سبب الهزيمة اللي حصلت.
الأغرب في الأمر أن الجمهور السعودي طلع هاجمه لأنه بعد المباراة ظهر في المؤتمر الصحفي وهو بيضحك وهو بيقول إنه فخور باللي حصل.. ولما سألوه الصحفيين عن سبب ضحكه قال إنه مش بيبتسم بالشكل ده إلا لما يكون فخور وهو ده حاله دلوقتي.
رينارد قال إن الكورة مش نصفتنا لأننا كنا نستحق التعادل على الأقل.. لكن الأمر مش انتهى وإحنا لسه واقف وهنحاول للنهاية ومش هنستسلم، حتى لو المباراة راحت منا وكنا قريبين من العودة بضربة الجزاء., عشان كده هنتعلم من أخطائنا وهنلعب قدام المكسيك مباراة قوية.
المدرب ختم كلامه وهو بيوجه رسالة للجمهور السعودي وقال إن كل اللي هنحتاجه للمباراة التالتة هو الجمهور.. وأنه نفسه يشوف الملعب ملئ بالمشجعين ويكونوا بيدعموا اللاعبين بشكل قوي لتحقيق الفوز.
