غضب فى الأهلي بسبب أداء الفريق وكولر يحدد قائمة الراحلين
![غضب فى الأهلي بسبب أداء الفريق وكولر يحدد قائمة الراحلين](https://sp-ao.shortpixel.ai/client/to_webp,q_glossy,ret_img,w_780,h_470/https://www.str9ker.com/wp-content/uploads/2022/10/3-صفقات-على-ردار-الأهلي-بقرار-من-كولر-بعد-الفوز-بالسوبر-780x470.jpg)
مفيش كلام بين جمهور النادي الأهلي في الوقت الحالي إلا عن الغضب العارم اللي أصيب الخطيب بسبب لاعبي القلعة الحمراء الفترة اللي فاتت.,. الغضب اللي وصل إنه يقعد مع المدرب السويسري كولر ويتقفوا على رحيل بعض اللاعبين.
مش بس كده وكمان على موجة تسريحات لو الحال في الفريق ما اتعادلش.. بس يا ترى ممكن الخطيب يعملها ويمشي اللاعبية؟ وإيه حكاية العقوبات الكبيرة اللي هيفرضها على اللاعبين؟.. تفاصيل كتيرة نكشفها في الفيديو ده.
حالة كبيرة من الجدل أثيرت داخل النادي الأهلي في الوقت الحالي بسبب الأداء السيئ اللي فيه لاعبي الفريق الأحمر واللي المفترض أنهم يكونوا في أفضل حالاتهم في الوقت الحالي لكن الأمر ده محصلش عشان يكون الأهلي مهزوز ومستواه ضعيف رغم كل الصفقات والتغيرات اللي بيعملها المدرب السويسري كولر.
الأداء السيسي للاعبي الأهلي خلى الإعلامي محمد شبانة، أكد أن مارسيل كولر المدير الفني لفريق الأهلي قرر اتباع سياسة التدوير مع اللاعبين خلال الفترة اللي جاية عشان يكون في منافسة كبيرة في الفريق بين كل اللاعبين واللي يدي رسالة أنه اللي هيقصر هيقعد على الدكة.
شبانة قال في تصريحات عبر “برنامجه بوكس تو بوكس”، الذي يبث عبر شاشـة قناة ETC: إن لخطيب مستاء جدًا من أداء لاعبي الأهلي وفي حالة غضب عارمة لدرجة أنه من زعله بدأ يقلل من الجلوس مع اللاعبين، وطالب كمان من سيد عبدالحفيظ مدير الكرة أنه ينقل للاعبين غضب رئيس الأهلي من تراجع أداء الفريق أمام المقاولون العرب عشان لا يتكرر اللي حصل في الموسم الماضي وبالتالي يكون فيه فقدان البطولات وده اللي مش هيسمح بيه مجلس الإدارة الفترة الجاية.
الخطيب قال لسيد عبدالحفيظ إن اللاعبين بياخدوا كل مستحاقتهم المالية بنتظام وأي تراجع في النتائج مش مسموح به على الإطلاق وأن الفترة الجاية هيكون فيها عقوبات كبيرة على اللاعبين أو على أي مقصر بدون النظر لأسمه أو إذا كان لاعب كبير او صغير.
في نفس الوقت كشفت مصادر داخل النادي الأهلي ان المدرب السويسري كولر قعد في اجتماع مع الخطيب واللي الأخير طلب منه إعداد تقرير بحالة كل لاعب وان اللاعبين اللي هيقصروا هيتم تسريحهم أو بيعهم أو إعارتهم الفترة الجاية لأن الأهلي محتاج يكسب المباريات على حساب أي حد عشان يستعيد لقب الدوري.
مجدي عبدالغني لاعب الأحمر السابق قال إن كمان محمود الخطيب رئيس النادي الأهلي قرر عقد جلسة خاصة مع المدرب الفترة الجاية عشان يناقش معه بديل الدولي التونسي على معلول مع الفريق خلال المرحلة المقبلة، في الوقت اللي مش لاقي لاعب يحل محله من سنين ولابد من حل الأزمة دي.