في الوقت اللي بيستعد فيه جمهور الأهلي لمشاهدة كهربا وعودته للملاعب اللي المفروض هتكون في شهر يناير اللي جاي.. إلا أنه ظهرت أخبار عن تلقيه صدمة جديد.
كهربا اللي أصبح مهدد بالإيقاف في عقوبة جديدة هتكون عليه.. بس يا ترى إيه حكاية العقوبة الجديدة؟ وهل مش هيلعب كورة تاني؟ وإيه علاقة خالد الغندور بالأمر؟.. تفاصيل كتيرة نكشفها في الفيديو ده.
طول الفترة اللي فاتت ومفيش كلام إلا عن كهربا وأزمته بعد إيقافه عن اللعب 6 شهور بحكم المحكمة الرياضية اللي كمان أصدرت حكم بالغرامة حوالي 2 مليون و400 ألف دولار لصالح الزمالك بعد ما هرب من الزمالك لنادي برتغالي وفسخ تعاقده مع القلعة البيضاء من طرف واحد.
كهربا اللي ساب النادي البرتغالي ورجع على الأهلي اتفاجئ أنه في النهاية مصيره الإيقاف عشان يكون مش عارف يعمل إيه ولا إزاي يحل المشكلة وطول الفترة اللي فاتت الكلام كتير مرة هيرجع ومرة هيدفع الغرامة لغاية لما خلاص فترة العقوبة قرب تنتهي وهي اللي في شهر يناير اللي جاي.
وفي الوقت اللي كهربا فيه بيستعد أنه يرجع ويلعب في يناير إلا أنه الأخبار اللي انتشرت كانت زي صدمة كبيرة له وهي أن في عقوبة جديدة في انتظاره الفترة الجاية وهتخليه مش هيلعب كورة الفترة الجاية برضو.
دي أخر المعلومات اللي كشفها الإعلامي خالد الغندور، في تطورات قضية كهربا، لاعب النادي الأهلي، في ظل الكلام اللي بيتردد عن أنه هيلعب الفترة الجاية وبدون ما يدفع الغرامة اللي عليه لنادي الزمالك واللي بتوصل لحوالي 2 مليون و400 ألف دولار، ويكشف موقفه إذا كان هيرجع ويشارك في المباريات ويلعب ولا لاء.
خالد الغندور قال في تصريحات تلفزيونية إن كل الكلام المثار حولين كهربا وأزمته مع نادي الزمالك غير صحيح وأن الكلام اللي بيتردد عن أنه هيرجع ويشارك مع الأهلي ومش هيدفع الكلام ملوش أي أساس من الصحة، وإن كل من يقول إن كهربا اقترب من العودة للمشاركة في شهر يناير الجاي فهو مش عارف حاجة ولا فاهم الموقف القانوني للقضية في الوقت الحالي.
الإعلامي الشهير خالد الغندور الكابتن السابق لنادي الزمالك قال إن محمود كهربا مش هيشارك مع الأهلي أو حتى يلعب كورة تاني إلا لما يدفع الغرامة المستحقة عليه من نادي الزمالك لأن المحكمة الرياضية لن تسمح لكهربا بسداد نصف الغرامة لنادي الزمالك فقط من أجل مشاركته في المباريات زي ما بيتقال وأنه لازم أنه يدفع الغرامة كلها وكل المواقع الإخبارية اللي بتوقع أنه هيرجع مش حقيقي.
مش بس كده لكن كمان خالد الغندور كشف عن مفاجأة كبيرة وهو إنه في حالة إن كهربا مش هيدفع غرامة نادي الزمالك، خلال الأيام اللي جاية وقبل بداية شهر يناير وقتها اللاعب هيكون معرض لعقوبة إيقاف جديدة من الاتحاد الدولي لكرة القدم، ووقتها مش هيلعب كورة تاني لأنه ممكن يتوقف أكتر من سنة وبالتالي هو مش قدامه أي حل إلا أنه يدفع الغرامة.
