![الزمالك ينسحب من الدوري واللعيبة بتشرب حشيش وردود فعل صادمة من مرتضي منصور](https://www.str9ker.com/wp-content/uploads/2022/12/19_2022-637973875342371473-237.jpg)
الزمالك معموله عمل.. والكورة مش عايزة تدخل إلا بالعافية وأجوال عفاريتي بتدخل فيهم.. مش بس كده لكن المستشار مرتضى منصور شايف إنه فيه تمثيلة بيعملها اتحاد الكرة مع لجنة الحكام، التمثيلية دى السبب في النتيجة السيئة لنادى الزمالك قدام الداخلية عشان كده قرر الانسحاب من الدوري.
مش بس كده لكن كمان كشف مفاجأة كبيرة عن أن فيه لاعبين بيتعاطوا الممنوعات.. إيه اللي حصل؟ وليه الزمالك هينسحب؟ وإيه حكاية اللاعبين اللي بيتعاطوا ممنوعات؟ ومين هما؟.. تفاصيل كتيرة نكشفها في الفيديو ده.
مع انتهاء مباراة نادى الزمالك والداخلية، بالتعادل بين الفرقتين، وده اللي بيودى الزمالك لنتائج سيئة في الدوري، المستشار مرتضى منصور، رئيس نادى الزمالك، شاف أن النتيجة السيئة دى، هي بسبب لجنة الحكام واتحاد الكرة، يعنى ببساطه كدا بيتهمهم “بالكوسة” لحساب فريق تانى شغالين لحسابه ولأهداف خاصة بيهم.
وعلى طول طلع مرتضى منصور، وكتب على فيس بوك، إنه مش مكمل في البطولة دى وهاينسحب من الدوري بسبب التمثيلة اللي بيقوم بيها اتحاد الكرة، طبعا مش احنا اللي بنقول كده، ده مرتضى منصور.
المستشار شايف إن اتحاد الكرة متفق مع لجنة الحكام على تخليص بطولة الدورى لنادى منافس، بيرمى طبعا على النادى الأهلى، كلنا طبعا عارفين كدا، بس هوا ماقلهاش صراحتا يعنى.
مرتضى منصور مسكتش على كدا، ده كمان حب يشد لاعبى فريقة، وقرر غرامه عليهم كلهم تقريبا 20 % من مستحقاتهم، وكمان أجلها لوقت غير معلوم.
ووقف أحمد فتوح وعبد الله جمعة عن اللعب، وحولهم للتحقيق، وكمان عايز يحللهم، ليه الله أعلم، وكمان هوا مش هيقول على نتيجة التحليل دى، زى ما قال في بيانه.
فيه كلام أن مرتضى منصور شاكك في إن اللاعيبة أحمد فتوح وعبد الله جمعة كانو بيتعاطوا الممنوعات ورفضوا يلعبوا لما عرفوا انه فيه تحليل بعد الماتش، بس المستشار مرتضى منصور لما عرف، قال والله لمحللهم، بس هو قالها طبعا بشكل تانى، بحجة يعنى أنه عايز يعرف عندهم كورونا ولا لا علشان يبيعهم
الغريب بقى في القصة دى، ـن نادى الزمالك كان بادئ المباراة وهو ضاغط على لعيبه الداخلية، في الدقيقة 7 شاط زيزو كرة قوية، بس للأسف عدت جنب المرمى.
وكمان حمزة المثلوثى شاط كرة في الدقيقة 14 تصدى ليها دفاع الداخلية.
يعنى من الأخر كدا، لعيبه الزمالك كانوا عاملين إلى عليهم طول الماتش، لو انت موافقنا على رأينا أكتب في التعليقات ولو أنت عندك رأى تانى قوله بردوه، لعيبة الزمالك عملت إلى عليها فعلا ولا لا، وهل مرتضى منصور حاينسحب من الدورى فعلا ولا لا، ومين أصلا إلى بسببه اتحاد الكرة بيظلم الزمالك، زى ما قال مرتضى منصور، إلى عنده إيجابه يقول، بس عايزين نأكد عليكم كلنا في الاخر جماهير بنحب الكورة، يعنى ماحدش يغلط في التانى.