زيزو يوجه رسالة لجماهير الزمالك بعد الخسارة ضد بيراميدز في كأس مصر
![أحمد زيزو يحطم رقما قياسيا في 2022 و يصبح الهداف التاريخي الجديد لنادي الزمالك](https://sp-ao.shortpixel.ai/client/to_webp,q_glossy,ret_img,w_780,h_470/https://www.str9ker.com/wp-content/uploads/2022/11/أحمد-سيد-زيزو-780x470.jpg)
حرص أحمد سيد زيزو جناح الفريق الأول لكرة القدم بنادي الزمالك ومنتخب مصر، على توجيه رسالة لجماهير القلعة البيضاء، بعد الخروج من نصف نهائي بطولة كأس مصر لحساب بيراميدز.
وكتب زيزو عبر حسابه على “إنستجرام”: أولا الحمد لله و قدر الله ما شاء فعل زي ما بتبقي مبسوط بالدعم و الحب و المسانده لازم كمان تتقبل الوجه الاخر السئ و هي دي ضريبه الحياه و المسؤلية.
وتابع حديثه، تقدر تخليك ف يوم احسن واحد فالدنيا و تقدر تخلي الناس تنسي كل حاجه انت ممكن تكون عملتها ، عشان كده واجب عليا فالمواقف و الظروف دي اني اعتذر.
وواصل تصريحاته، عمري ما عرفت اهرب ولا استخبي من اي حاجه ولا عمري هعمل كده ، تقبل او ترفض دا من حقك.
واستطرد: لكن كان واجب عليا تقديم الاعتذار زي ما دايما بقدم الشكر علي الحب ، قادر اتحمل المسؤليه كامله و قادر كمان اعديها ، لكن خليكوا ف ضهر ناديكم و ولاعبيكم لأن في المواقف الصعبة بتبان فعلا معادن الرجال، شكرا.