هاجم فرج عامر رئيس نادي سموحة، طارق العشري المدير الفني للفريق الأول لكرة القدم بالنادي، وطالبه بالرحيل عن الفريق السكندري.
وكتب فرج عامر عبر حسابه على فيسبوك: خالد عبد الفتاح غادر سموحة بورقة موقعة من المدير الفني الحالي ، وبعدين الهلفطفة هو اللي يعرفها ،، هو في مدرب يجيب جهاز فني في ابنة ونسيبة.
وأضاف، هو في مدير فني يستلف من نادي مئات الالوف، هو في مدير فني يجيب لاعبين بعشرات الملايين وبعد كدة يكتب ورقة بخط انة مش عايزهم، هو في مدرب يدعم فرقة بلاعب عندة ٤٠ سنة.
وتابع حديثه، سموحة وصيف الوري العام بهدف اعتباري ، وسموحة ٢٠١٤ وصيف الكاس سنة ٢٠١٤ ، ٢٠١٨ ، في ظروف يعلم بيها ربنا ، سموحة رابع الدوري العام مرتين ، انت نزلت كام فرقة درجه تانية ، ولما انت مش ميت علي سموحة قاعد لية ، انا عندي جميع الاوراق الدلة علي كل كلمة وفي بلاغ عند النائب العام وهو حيبين الحقيقة.
وواصل، ووزير الشباب حيحقق في كل كلمة قلتها هو في مدير فني يروح لاعضاء مجلس ادارة مكاتبهم ويتحايل عليهم يساندوة ، انت ماشفتش المكسب مع سموحة الا لما انا جيت ، ٣ مباريات كسبتهم بدعمي للاعبين ، هو في مدير فني يلعب بعشر لاعبين واقفين قدام المرمي ، هو في مدير فني يقبل حجرة الملابس يكون فيها اكتر من ٤٠ لاعب ، هو في مدير فني لا يهتم الا ب١٤ لاعب حيلعبوا المباراة فقط احنا نادي تعبان مموت نفسك علي اية؟ ، انا عندي قد كدة عشر مرات ، هو في مدير فني عايز يعيش مع الفرقة في الفنادق علي حساب النادي اللي بيمرنة ، اين حمرة الخجل.
واستطرد،هو في مدير فني يسيئ للنادي اللي مشغلة وقابل في ١٢ مباراة يجيب ١٠ نقط ويدخل ٤ اهداف ويدخل في مرماة ١٢ هدف ، ويستمر هو انت نسيت انت عملت اية وانت لاعب في الاتحاد السكندري وجماهير الاتحاد عارفة تاريخك.
