![رئيس نادي إنبي](https://www.str9ker.com/wp-content/uploads/2023/07/%D8%B1%D8%A6%D9%8A%D8%B3-%D8%A5%D9%86%D8%A8%D9%8A.jpg)
هاجم أيمن الشريعي رئيس نادي إنبي، أحمد عيد الظهير الأيمن للفريق الأول لكرة القدم بنادي الزمالك، والمعار الموسم الماضي إلى النادي البترولي.
وقال الشريعي في تصريحات تلفزيونية: “تربطني علاقة قوية جدا بنادي الزمالك، مثل كل أندية الدوري المصري، وعقدنا مع أحمد عيد الخاص بإعارته من الزمالك، اللاعب كان ماضي عليه”.
وأضاف: “وكان المفروض في عقد منفصل مع نادي إنبي لاستمراره مع الفريق البترولي، لكن اللاعب كان بيماطل”.
وواصل: “إنبي كان سببا في ظهور أحمد عيد خلال الفترة الأخيرة لكن واضح إنه مربط مع الزمالك ومربط مع إنبي، وفجأة بعد عودته من المغرب، مجاش النادي”.
واستطرد: “أحمد عيد مخطط تخطيط معين، لأنه ليس مجدد مع الزمالك واضح إنه عنده خطة تانية وعايز يكسب وقت عشان يبقى في يناير لاعب حر، وواضح إنه في دماغه الاحتراف برا عقلية أحمد عيد غير صالحة للاحتراف.. واللاعب (مش عنصر أساسي).
وأكمل: “عقلية أحمد عيد غير مناسبة للاحتراف، واللي عمله اللاعب معانا بيأكد كدة، أحمد عيد مش أحسن ظهير أيمن في مصر، والناس اللي كانت جاية تشوف محمد حمدي من البرتغال استفسروا عن أحمد عيد”.
وأردف: “لازم أقول سلبيات الولد وإيجابياته للنادي البرتغالي، لكن تقرير أحمد عيد في نادي إنبي تقرير سلبي، واللاعب مش عنصر أساسي معانا”.