![مرتضى منصور ومحمود شيكابالا](https://www.str9ker.com/wp-content/uploads/2023/08/%D9%85%D8%B1%D8%AA%D8%B6%D9%89-%D9%85%D9%86%D8%B5%D9%88%D8%B1-%D9%88%D9%85%D8%AD%D9%85%D9%88%D8%AF-%D8%B4%D9%8A%D9%83%D8%A7%D8%A8%D8%A7%D9%84%D8%A7.jpg)
أكد مرتضي منصور رئيس نادي الزمالك المعزول، أن محمود عبدالرازق شيكابالا لاعب وسط الفريق الأول لكرة القدم، عمل تمرد ولم اللاعبين وقال لهم لن نلعب.
وأضاف منصور في تصريحات تلفزيونية: حمزه المثلوثى وسيف الجزيري ليس من أولاد النادي رفضوا كلامه، وسبورتنج لشبونة رفض جدولة غرامة شيكابالا.
وأكمل: حضورك يا شيكابالا زي عدم حضورك عندنا 100 كابتن بعديك، لو لي مزاج ما تعلبش هقول لأوسوريو بس انا مش هقول.
وأردف: الجزيري والمثلوثي مش ولاد النادي ومتكلموش عن مستحقاتك، بتسرب الكلام لإسلام صادق؟ اومال زيزو اللي مخدش حاجة وفتوح.
وواصل: شيكابالا كذب علينا وقال إبني مريض، ولم يحضر اجتماع الإدارة مع اللاعبين، وقام بتحريضهم، روح لممدوح عباس وقوله يرفع الحجز عن أرصدة الزمالك، ممدوح اللي الفريق راح له قبل كدة، وكل لاعب خد 100 ألف وأنت يا شيكابالا خدت 300 ألف جنيه.
وتابع: اللي بيحب الزمالك لا يتمرد وإحنا بنجمع فلوس غرامتك ليتم تسديدها إلى سبورتنج لشبونة، في الوقت اللي حرضت فيه اللاعبين لعدم خوض التدريب.
واختتم: مش هنفرض عليك تعتزل وكفاية لبستنا غرامتك، وأوسوريو هو صاحب قرار الاعتماد عليك من عدمه، أحمد زيزو وأحمد فتوح لم يتقاضيا مستحقاتهما وجميع اللاعبين يتحملون ظروف الزمالك في الفترة الحالية.