أكد الإعلامي أحمد حسام ميدو، أن إدارة نادي الزمالك برئاسة حسين لبيب، تستعد للتواصل مع حازم إمام بصفته المشرف على منتخب مصر لتقديم طلب ودي بعدم ضم أحمد فتوح ومصطفى الزناري ومحمد صبحي ثلاثي الفريق الأول لكرة القدم، لقائمة المنتخب.
وقال ميدو في تصريحات تلفزيونية في برنامج الريمونتادا: أتوقع أن ينظر الاتحاد المصري لكرة القدم للزمالك على أنه ناد كبير ومهم وتشجعه شريحة كبير من الجماهير المصرية كما يجب ترسيخ قيم معينة.
وأكمل: سمعت قصة فتوح وكنت فاكر نفسي لما كنت بلعب كنت فاجر .. وأنا بلعب عملت حاجات قبل الماتش بـ 3 4 أيام أزوغ من المعسكر بس لابس لبس المعسكر ومتفق مع عيال بتوع الأمن يخرجوني من باب على جنب عشان واحد صاحبي مستنيني بعربية في الشارع الناحية التانية بس مش ليلة الماتش.
وأردف: عمر جابر شاف فتوح وصبحي والزناري لابسين لبس خروج وماشيين .. كلم شيكابالا وراحلهم قالهم رايحين فين؟ فتوح ساب شيكابالا ومردش عليه وصبحي والزناري قالوله رايحين نجيب أكل من بره وراجعين
واختتم حديثه: شيكابالا كلم فتوح ورد عليه قاله هو انتوا عايزين مني ايه؟ مش هرجع إلا لما أخلص سهرتي.
ميدو : الزمالك هيطلب من المنتخب عدم انضمام فتوح والزناري وصبحي للقائمة#الريمونتادا #قناة_المحور @midoahm pic.twitter.com/6Jp8rcz1uW
— الريمونتادا ⚽ AlRemontada (@alremontadacom) November 5, 2023
