سرد وائل رياض شيتوس لاعب النادي الأهلي السابق، واقعة لمحمد الشناوي حارس مرمى الفريق الأول لكرة القدم بالقلعة الحمراء ومنتخب مصر، في عام 2009 ورفضه أن يكون الحارس الثالث في فريق الجونة.
وكتب شيتوس عبر حسابه على موقع التواصل الاجتماعي “تويتر”: “سنة ٢٠٠٩ كنت مقيد في نادي الجونة وكان أول سنة للجونة في الدوري الممتاز المهم وإحنا في فترة الإعداد لقيت محمد الشناوي جاي الملعب وكان ساعتها تقريباً تم الإستغناء عنه من الأهلي”.
وتابع مدرب المنتخب الأولمبي السابق: “المهم الجهاز الفني للجونة بلغ الشناوي بتصنيفه بين حراس المرمي الموجودين ساعتها قبل التعاقد معاه وكان هيبقي رقم ٣ ولكن الشناوي رفض التصنيف ده”.
وواصل لاعب منتخب مصر السابق تصريحاته: “وبالفعل الشناوي مشي وسافر القاهرة في نفس اليوم اللي وصل فيه الجونة وساعتها أعتقد إنه مضي في طلائع الجيش إن لم تخوني الذاكرة”.
واختتم حديثه: “النهاردة وبعد ١٣ سنة الشناوي بياخد أحسن لاعب في إفريقيا و ده يدينا درس إنك تشتغل علي نفسك كويس ومش مهم توصل إمتي المهم لما توصل تبقي مؤثر ويبقي ليك بصمة ، مبروك يا شناوي و بالتوفيق دايماً”.
