هاجم الإعلامي مجدي عبدالغني لاعب النادي الأهلي ومنتخب مصر السابق، إدارة القلعة الحمراء برئاسة محمود الخطيب بسبب تعيين عدلي القيعي رئيسا لشركة الكرة.
وقال عبد الغني خلال برنامجه البلدوزر: ”عدلي القيعي أشتغل في النادي الأهلي مدير تنفيذي وفي كل مرة لما بينتهي عمله كان بياخد مكافأة نهاية خدمة! .. لو حد طلع رسمي من الأهلي وقال الكلام دا غلط أنا هعتذر ومش هجيب السيره دي تاني خالص”.
وتابع حديثه: ”عدلي القيعي أخد كل المناصب الممكنه في النادي الأهلي .. الواحد لما بيكبر في السن مش بيعرف يجاري الأحداث والسرعة .. للدرجة دي مفيش أي ثقة في أي شخص أخر قادر على شغل هذا المنصب المهم”.
وواصل: ”هل يعقل أن مفيش أي حد من الملايين اللي بيشجعوا الأهلي يكون في واحد قادر على إدارة شركة الأهلي غير القيعي؟ .. الأهلي مليان كوادر كتير جدًا جدًا وبنفتخر بيها كل شوية هما فين؟!”.
وأردف: ”ايه الحكمة من تولي القيعي كل هذة المناصب؟ مش إدارة ابدًا أنك تجيب أهل الثقة وتترك أهل الخبرة .. مينفعش نعد نلف في نفس الدايره هي هي بنفس الوجوه كل مرة!”.
واختتم: “كان لازم اللي يشغل منصب رئيس شركة الكرة في النادي الأهلي حد شبيه في القدر والقيمة الإدارية بـ ياسين منصور .. كان لازم اختيار شخصية قوية حتى لو كان ضدك الأهم أنه هينجح النادي ويساعدك”.
