أكرم توفيق هيرحل من الأهلي؟.. ده السؤال اللي يدور في أذهان جمهور الأهلي في الوقت الحالي بعد الأخبار المنتشرة عن العروض الأوربية اللي جاية للاعب.. آخرها العرض القوي من نادي نيس الفرنسي عشان يلعب فيه أكرم توفيق.
العرض اللي هيخلي لاعب الأهلي يحترف في فرنسا فيه أسرار كتيرة: أبرزها أسباب رفض الأهلي لاحتراف اللاعب، وإيه حكاية العرض المالي المغري اللي هيكون السبب في حسم الصفقة؟.. تفاصيل كتيرة نكشفها في الفيديو ده.
من وقت تألق أكرم توفيق في مباراة مصر وبلجيكا اللي يقدر أنه يثبت نفسه بجدارة فيها ويوقف خطور لاعب ريال مدريد هازارد وكمان كراسكو اللي يعتبروا من أبرز اللاعبين في العالم، ويساهم في فوز منتخب مصر على بلجيكا في المباراة اللي انتهت 2 -1 للفريق الوطني والأخبار انتشرت عن العروض الاحترافية اللي جاية للاعب.
وسائل الإعلام المصرية والعربية قالت إن أكرم توفيق بعد المباراة كان محط أنظار أندية كتيرة في الخارج، عشان بعد التألق الكبير ده يتلقى عروض احتراف في أوروبا خاصة أنه أثبت نفسه أمام لاعبي بلجيكا ونال إعجاب بعض الممثلين لوكالات تسويق اللاعبين في أوروبا.
لكن خلال الساعات اللي فاتت ظهرت أخبار كتيرة بتقول إن اللاعب تلق بالفعل عرض من نادي نس الفرنسي واللي كانوا حاضرين المباراة عشان يتابعوا المهاجم مصطفى محمد لكن لفت أنظارهم التألق الكبير اللي فيه اللاعب أكرم توفيق خاصة أنهم بيعانوا من مركز الظهير الأيمن.
نادي نيس الفرنسي اللي تواصل بالفعل مع بعض وكالات التسويق وهي اللي تواصلت مع مجلس إدارة النادي الأهلي وعرضت على مجلس إدارة القلعة الحمراء إمكانية شراء اللاعب.. كمان وكالات التسويق تواصل مع أكرم توفيق نفسه عشان تعرف رغبته في الاحتراف في الدوري الفرنسي من عدمه وإذا كان عنده استعداد أنه يحترف هناك.
المواقع الصحفية نقلت أخبار عن أن مجلس إدارة النادي الأهلي رافض رحيل أكرم توفيق عن الأهلي وأن مفيش أي مفاوضات من الممكن أنها تخلي اللاعب يرحل عن الفريق في الوقت الحالي، خاصة أنه من اللاعبين الأساسيين واللي بيتعمد عليهم الأهلي بشكل كبير ولا يمكن رحيله والفريق عايز ينافس على بطولات كتير السنة دي.
في نفس الوقت قالت بعض المواقع نقلا عن مصادر مقربة من اللاعب أنه في انتظار تقديم عرض حقيقي ومعرفة مواصفاته عشان لو كان العرض المالي مغري وكبير ممكن يساعد في إقناع مجلس إدارة النادي الأهلي على الرحيل لكن في حالة أن مفيش عرض كبير هيفضل في الأهلي ولا يمكن أن يرحل إلا برغبة النادي وبالاتفاق معه.
أكرم توفيق اللي شارك وتألق في المباراة الأخيرة لمنتخب مصر اللي فاز فيها على بلجيكا بهدفين سجلهم مصطفى محمد ومحمود حسن تريزيجية، في الوقت اللي سجل منتخب بلجيكا هدفه الوحيد اللاعب من خلال اللاعب البديل أوبندا بالدقيقة 73 عشان يفوز المنتخب المصري على المنصف رقم 2 في العالم حاليا.
