كولر يقترب من الرحيل عن الأهلي بسبب طريقة اللعب والجماهير ملحقتش يعملنا فريق عالمي

في الوقت اللي جمهور الأهلي فرحان بالمدرب السويسري كولر والتطور الكبير اللي عمله في أداء الفريق؛ إلا أن في أخبار كتيرة خرجت الفترة اللي فاتت عن رحيل المدرب من الأهلي.

الأخبار اللي انتشرت أن فيه حالة خوف كبيرة داخل القلعة الحمراء من أسلوب لعب كولر والطريقة اللي بيلعب بيها.. مش بس كده لكن الأخبار.. بس يا ترى إيه اللي ممكن يخليه يمشي؟ وهل ممكن الأهلي يستغنى عنه؟.. تفاصيل كتيرة نكشفها في الفيديو ده.

من وقت ما أعلن النادي الأهلي عن تعاقده مع السويسري مارسيل كولر والجماهير كلها وضعت الآمال على أنه هيكون فريق يقدر ينافس به في الدوري ودوري أبطال إفريقيا.. وده اللي ظهر بشكل كبير ومتألق في الفوز بمباراة السوبر على الزمالك.

لكن على الرغم من أنه قدر يثبت نفسه لجمهور الأهلي كمدرب قوي إلا أنه مش ده حلمه اللي عايزه للنادي الأهلي.. لأن التقارير الصحفية قالت إن كولر يرغب في صناعة فريق عالمي عشان كده بيحاول ابتكار العديد من الطرق لتنفيذها في الأهلي.

التقارير الصادرة من داخل القلعة الحمراء، كشفت عن أن المدرب السويسري لا يهدأ حتى في فترة التوقف وقرر أنه يستغل كل دقيقة عشان يدرس الوضع الحالي والفترة الجاية للاعبي الأهلي، كمان هو بيتابع ما يحدث في الخارج مع الفريق الأوروبية عشان يقدر ينفذ أحدث الابتكارات في طرق اللعب المختلفة داخل النادي الأهلي.

مش بس كده لكن التقارير كشفت عن بعض الخطط اللي وضعها كولر بالفعل مع اللاعبين، زي مثلا أنه اشتغل على بتثبيت جهاز ضربات الرأس في ملعب تدريب المارد الأحمر، وده عشان تحسين لعب ضربات الرأس للاعبين ودي الطريقة المتبعة في أكبر الأندية وعلى رأسهم برشلونة.

التقارير كشفت كمان أن المدرب السويسري عايز يعتمد على طريقة التفكير الأوروبي في ملف الصفقات اللي عايزها في النادي الأهلي، زي أن تكون الطلبات اللي عايزها في اللاعبين معتمدة على مطالب فنية وبدنية و اللي بتكشف إيه هي المواصفات التي لابد من أنها تتوافر في اللاعبين الجدد عشان يحققوا الاستفادة والدعم للفريق.

لكن التقارير الصحفية كشفت عن مفاجأة كبيرة وهي أن رغم كل ده إلا أن المدرب السويسري ممكن يكون وقته مع الأهلي انتى وده بسبب أن رغم كل اللي بيعمله إلا أن فيه خوف داخل النادي الأهلي بسبب السياسة اللي بيتبعها كولر بين اللاعبين في الأهلي وهي “التدوير”، عشان هو عايز يجهز جميع عناصر الفريق ومش عايز يعتمد على 11 لاعب فقط.

بعض التقارير الصحفية قالت إن السياسة دي بتكون ذو حدين فعلى الرغم من أنها بتوفر للمدرب خيارات كتيرة جدا إلا أنها ممكن تنقلب عليه وتجيب نتائج عكسية في الوقت اللي الأهلي معندوش رفاهية التجربة,.. مش بس كده لكن كمان في تخوف من بعض أعضاء الجهاز المعاون لـ”كولر” بسبب التعديلات الكتيرة اللي بتحصل في الفريق وده اللي يبخليه فاقد لحالة التأقلم والانسجام التي كان عليها في الفترة اللي فاتت.

مش بس كده لكن كمان التقارير الخارجة من النادي الأهلي قالت إن فيه أزمة كبيرة وهي استياء بعض نجوم الفريق الكبار اللي مش بيشاركوا بشكل أساسي في جميع المباريات وده طبعا تطبيقا للسياسة الجديدة واللي المدرب السويسري قال إنه يجب أن يرضخ لها جميع اللاعبين.

لكن هل كل الأزمات دي هيقدر يسيطر عليها المدرب السويسري كولر ولا هتكون السبب في رحيله عن الأهلي الفترة الجاية؟