أكرم توفيق نجم الأهلي خلاص هيحترف ومش أي احتراف ده هيروح الدوري الإنجليزي وكمان نادي نيوكاسل اللي بيمتلكه صندوق الاستثمارات السعودية.
بس إزاي هيسيب الأهلي وموقف الخطيب ومجلس الإدارة إيه؟ وإيه حكاية العرض الخرافي اللي هيحسم مصير اللاعب؟.. تفاصيل كتيرة نكشفها في الفيديو ده.
في الوقت اللي تألق فيه أكرم توفيق خلال مباراة مصر وبلجيكا وقدر أنه يثبت نفسه بجدارة فيها ويوقف خطورة لاعب ريال مدريد هازارد وكمان كراسكو اللي يعتبروا من أبرز اللاعبين في العالم، ويساهم في فوز منتخب مصر على بلجيكا في المباراة اللي انتهت 2 -1 للفريق الوطني والأخبار انتشرت عن العروض الاحترافية من الخارج.
أكرم توفيق اللي أصبح محط أنظار أندية كتيرة في الخارج، عشان بعد التألق الكبير ده يتلقى عروض احتراف في أوروبا خاصة أنه نال إعجاب بعض الممثلين لوكالات تسويق اللاعبين في أوروبا، لدرجة أم نادي نيس الفرنسي ا تواصل بالفعل مع بعض وكالات التسويق وهي اللي تواصلت مع مجلس إدارة النادي الأهلي وعرضت على مجلس إدارة القلعة الحمراء إمكانية شراء اللاعب.. كمان وكالات التسويق تواصل مع أكرم توفيق نفسه عشان تعرف رغبته في الاحتراف في الدوري الفرنسي من عدمه وإذا كان عنده استعداد أنه يحترف هناك.
وعلى الرغم من أن مجلس إدارة النادي الأهلي رافض رحيل اللاعب في الوقت ده لكن العرض الجديد لللي وصل للاعب محدش يقدر يرفضه مهما كان اللاعب وحبه للقلعة الحمراء لأنه هيكون الاحتراف في الدوري الإنجليزي أقوى دوري في العالم.
الكابتن مجدي عبدالغني قال في برنامجه، إنه على الرغم من صعوبة الاستغناء عن أكرم توفيق في يناير، لحاجة الأهلي لجهوده لنهاية الموسم على أقل تقدير، إلا أن الفترة اللي فاتت شهدت تلقى اللاعب عروض كتيرة من أندية أوروبية عن طريق وكيل أعماله نادر شوقي.
الأهلي اللي رفض كل العروض وقال للاعب إنه يستنى مش هيقدر يرفض الفرص لان النادي نيوكاسل الإنجليزي، المملوك لصندوق الاستثمارات العامة السعودي، اللي دلوقتي بيشوف مباريات أكرم توفيق، للوقوف على مدى إمكانية ضمه، عشان يكون بديل لجناح المنتخب الإنجليزي كيران جون تريبير، البالغ من العمر 32 سنة، خاصة أن أكرم لسه صغير وعنده 25 سنة وبالتالي لسه قادر على أنه يلعب أداء قوي.
مجدي عبدالغني قال إن بعض المقربين من نادر شوقي وكيل اللاعب قاله إن النادي الإنجليزي لو وافق على اللاعب هيقدم عرض مالي خرافي هيكون مغري جدا لللاعب اللي مش هيقدر يرفضه وكمان الأهلي مش هيقدر يمنع اللاعب من الاحتراف.
كمان قال إن بعض وكالات التسويق قدمت عرض للأهلي من نادي مارسيليا الفرنسي عشان يضم اللاعب الفترة الجاية ولكن الأهلي رافض أي عروض احتراف للاعب إلا لو كان المقابل المادي كبير جدا يقدر يعوض الفريق.
